-Almmuhus-
OĐĐASATDolvo gárren bárehuočča ruoktot

Dolvo gárren bárehuočča ruoktot

-

-

Politiijat šadde vuolleahkásaš bártni doalvut ruoktot váhnemiid lusa go gávdne su gárremin gávpogis.

Hámmárfeasttas šadde politiijat doalvut ruoktot bárehuočča gii lei juhkan alkohola. Son lea birrasiid 16 jagi.

 – Mii leat gávdnan gárren bárehuočča gasku ten-agiid ja dolvon su iežas váhnemiid lusa, čálle Oarje-Finnmárkku politiijat Twitteris gaskaija áigge.

 

Aivve čielggus vuoddjit

Álttás bissehedje dál lávvordat iđida 30 biilla geain iske promilla. Ii oktage sis lean vuodjime gárrenoaivvis.

Álttá politiijat duoguštedje maid guokte mopeda mannan ija. Sii válde daid go dovdomearkkat, šilttat ledje botnjon nu ahte ii oainne šat mii dain čuožžu.

 

Massii goartta

Bearjadat eahkeda bissehedje johtolatpolitiijat (UP) maid viđátlotjahkásaš dievddu Lákkovuonas go vujii beare garrasit biillain. Sus lei 127 km/d 80-leaktomearis. Vuodjingoartta massii son dastanaga.

 

Porsáŋggus šadde buollinčáskadeaddjit vuoddját jáddadit buollima Gihcádat báikkis Davvinjárgga gielddas. Lei áiti buollán, muhto ii lean várra leavvanvárra gal dán buollimis.

Muđui muitalit politiijat sii leat váidán goalmmátlot jahkásaš dievddu go lea gožžan almmolaš báikkis Hámmárfeasttas.

 

 

-Almmuhus-