Johan Kitti lea ráhkkaneame almmuhit iežas njealját skearru, ja odne almmuha ovtta lávlaga mii lea skearrus.
Johan Kitti lea ráhkkaneame almmuhit iežas njealját skearru, ja odne almmuha ovtta lávlaga mii lea skearrus.
Johan Kitti almmuha ráhkisvuođalávlaga «Dolla» odne, bearjadaga čakčamánu 22. beaivvi, man olbmot besset gullat Spotify musihkkaneahttabáikkis.
Álkit darvána millii
Lávlla lea šuoŋalaš ja darvána álkit millii, ja das lea árbevirolaš luohti maid oassin.
– Dolla lea čavčča čábbámus ráhkisvuođa lávlla. Lávlaga jurdda šattai dollagáttis čakčaeahkedis go dolla hábmii sániid ja čakčabiegga ráhkadii šuoŋa, čállá Audioland preassadieđáhusas.
Vuosttaš EDM
Klemet Anders Buljo lea buvttadan lávlaga, ja Arctic Sound Studio lea bádden lávlagiid. Johan Kitti njealját skearru almmuhuvvo boahtte jagi Audioland bokte, ja lea vuosttaš skearru Sámis mas leat veahá šuoŋat EDM-málles.
Guldal Johan Kitti ođđaseamos lávlaga «Dolla» dás. (Ekstearna liŋka).
