Tiktok-treanda lea ožžon nuoraid bidjat vilgeslávkki njunneráigái vai šliivi golgá olggos. Doavttir Ketil Skjøstad dáhttu sin leat várrugas.
Skjøstad, geas lea guhkes bargovásáhus beallje-njunne-čottaspesialistan, váruha ahte treanda sáhttá vahágahttit vuohččecuocca, ja nu das sáhttet čuožžilit konsekveanssat čállá NRK.
– Dás hállat nuoraid ja ollesolbmuid birra, muhto vilgeslávki sáhttá gártat vuoiŋŋahatbohccái, ja dat sáhttá leat várálaš, dadjá doavttir.
Muhto doavttir ii vuosttal oalát vilgeslávkki geavaheami, ja su mielas berre dutkojuvvot eambbo dás.
– Jos nuorat vásihit ahte njunneráiggit rahpasit vilgeslávkkiin, de sáhttá das leat ávki. Galggašii eanet dutkat dán, ja nu sáhtášedje dutkan leat ávkin maiddái njunnespráija-buvttadeddjiide.
(©NTB)
