Guovttis bođiiga lohkaid čađa ja doaruheigga viesu ássi.
Álttás doaruhuvvui badjel 50-jahkásaš dievdu gaskavahkku eahkeda.
Guovttis galgaba boahtán čađa lohkaid ja cábmán albmá muhtin dávviriin, dieđihit Finnmárkku politiijaguovllus Twittera bokte.
– Dievdu lei okto ruovttus ja lea bahuid roasmmohuvvan. Sus lea oaivi hávváduvvan, geahppá lea ráiggil ja erttetdávttit leat doddjon, dadjá Finnmárkku politiijaguovllu operašuvdnajođiheaddji Jan Arne Pettersen NTB ođasdoaimmahahkii.
Dievdu sáddejuvvui ambulánsagirdiin buohccevissui.
Váldán gitta dievdduid
Álttá politiijat dieđihedje Dagbladet aviisii 5-áigge iđđes ahte leat váldán gitta ja áššáiduhttán guokte dievddu geat leaba 18 ja 26 jagi boarrásat.
Politiijat eai dieđe vel manin dievdduguovttos doaruheigga dálolačča ja dutket ášši viidáset odne.
