-Almmuhus-
OĐĐASATDoarrun, gárrenolbmot ja soabatmeahttun ránnjážat dagahedje politiijaide barggu

Doarrun, gárrenolbmot ja soabatmeahttun ránnjážat dagahedje politiijaide barggu

-

-

Doarrun, šámpu njoarran biillaid njeaiga, gárrenolbmot ja soabatmeahttun ránnjážagaid dagahedje politiijaide barggu mannan ija.

Mánát ja nuorat leat dagahan barggu Álttá politiijaide mannan ija. Dás oainnát maid Finnmárkku politiijaguovlu vel dieđiha mannan ijas twitteris:

 

HÁMMÁRFEASTA

Dii. 20:01 Doarrun gávpotguovddážis. Politiijat leat leamaš báikkis ja humadan singuin. Ášši ii váido, muhto politiijat dáhttot guođđit báikki ja loahpahit eahkeda.

 

GILIVUOTNA

Dii. 20:07 Bargolihkohisvuohta, dieđihuvvo bargobearráigehččui. Bávččagan giehta, sáhttá doddjon. Politiijat dutket ášši.

 

ÁLTÁ

Dii. 20:14 Soabatmeahttumis ránnjážagat. Áitagat ja doaškát. Ii dárbbahuvvo doavttir, muhto čuovvoleapmi.

Dii. 20:21 Ránnjá geahččalan čievččastit ránnjá láse čađa.

Dii. 20:25 Olu cavgileamit guovttejuvllagiid birra mat girddihit Joganjálmmi čađa. Sihkkelat eai leat registrerejuvvon, dain leat šilttat sodjan ja alla leahttu. Vudjet vázzin- ja sihkkelgeainnu miel. Politiijain eai lean návccat iskat ášši.

Dii. 22:31 Joganjálmmi šaldi alde leat mánát geat njorret šámpu biillaid lásiide go vudjet meattá. Šámpu lea váttis oažžut dalán eret mii fas dagaha váralaš johtolatdilálašvuođa.

Dii. 22:52 Njeallje dievddu njuikejedje olggos biillas ja gevve 15 jahkásaš bártnáža ala gii lei sihkkelastime. Bálkestedje sihke bártnáža ja sihkkela. Ii roasmmehuvvan, muhto ballán. Buot njeallje vearredahkki njuikejedje fas seamma biilii mainna bohte.

 

GIRKONJÁRGA

Dii. 04:12 70-jahkásaš dievdu ja 50-jahkásaš nisu geavvan politiijaid háldui go galgaba leamaš beare gárremin eaba ge jeagadan muitalit iešdieđuid. Goappašagat biddjon giddagassii dassái čielgaba.

Dii. 04:14 50-jahkásaš dievdu geavvan politiijaid háldui go galgá leamaš beare gárremin. Biddjon giddagassii dassái čielga ja nagoda váldit vára alddis.

 

LEAVDNJA

Dii. 04:21 Áibbas ođđa alit/čáhppes sihkkel mas árvu 19 000 ruvnno suoladuvvon olggobealde orrunbáikki.

-Almmuhus-