Finnmárkku ealáhusdoaimmat ja almmolaš fitnodagat sáhttet dál ohcat doarjaga Romssa ja Finnmárkku fylkkagielddas birassertifiseren dihte iežaset fitnodagaid.
– Márkanfámut gáibidit ealáhusdoaimmain eanet birasgáhttenčovdosiid, dađistaga go eiseválddit loktejit birasgáibádusaid unnidit dálkkádatgássaluoitima. Dálkkádat- ja birasustitvuohta addá ovdamuni boahtteáiggis. Fylkkagielda háliida ahte fitnodagat galget unnidit dálkkádatgássaluoitima, ja sii háliidit addit fitnodagaide boares geográfalaš Finnmárkkus vejolašvuođa ohcat doarjaga. Ovttas olahit mii ruoná molsašumiid jođánit, lohká ealáhusa ja birrasa fylkkaráđđi Karin Eriksen (Gb).
Servodatgeatnegasvuohta
Lea vejolaš ohcat 20 000 ruvnno ovddas doarjaga goluin mat mannet sertifiserenbargguide.
Birassertifiseremis galgá dokumenteret birasbargguid ja čájehit servodatgeatnegasvuođa. Gávdnojit ábas neavvut sertifiseremii, ja birasstivra veahkeha fitnodagaid oažžut nanaguoddevaš ovdamuni.
Fitnodatfierpmádagat fertejit ohcat fárrolaga mas leat golbma dahje eanet fitnodaga. Suohkanat ja almmolaš doaimmat ávžžuhuvvojit ohcat ovttas.
Ohcan sáddejuvvo sisa Regionálahálddašeapmái ovdal golggotmánu 15. beaivvi.
