-Almmuhus-
SMÁVVAOĐĐASAT SÁMISDoarju Áhká­njárgii Alpin MM 2027

Doarju Áhká­njárgii Alpin MM 2027

-

-

Sámediggi oaidná positiiva oalgeváikkuhusaid jus Alpin MM 2027 lágiduvvo Áhkánjárggas, go lágideapmi sáhttá dagahit ahte nationála ja internationála dásis lasihuvvo gelbbolašvuohta sámigiela, kultuvrra ja servodaga birra. 

Miesemánu  26. beaivvi 2022 mearriduvvo guhte riika ja báiki beassá lágidit Alpin MM 2027, Áhkánjárga lea Norgga evttohus ja  gilvala dál internationála dásis beakkán alpinbáikkiiguin. Sámediggi lea čakčamánus sádden iežas doarjaga International Ski Federationii. Sámediggepresideanta Aili Keskitalo čállá ahte jus šaddá nu ahte  Áhkánjárgii oažžu Alpin MM 2027, de lea vuosttás háve go Alpin-MM lágiduvvo  árktalaš guovllus, Sámis. 

– Sámediggi háliida ovddidit iežas doarjaga Norgga Čuoiganlihtu evttohussii. Dan oktavuođas oaidná maid Sámediggi  ahte báikkálaš sámi kultuvra ja árbevieru goallostuvvo ja čalmmustuvvo lunddolaččat Áhkánjárgga Alpin-MM oktavuođas. Alpin-MM Áhkánjárggas ii leat dušše erenomáš vásáhus gehččiide ja oasálastiide, muhto seammás lea erenomáš vejolašvuođa dohkkehit ja  gaskkustit sámegiela, kultuvrra ja servodaga, čállá sámediggepresideanta Aili Keskitalo reivvestis.

-Almmuhus-