Prošeavtta ulbmil lea oažžut eanet olbmuid álgit guolástemiin.
Sámediggeráđđi lea juolludan 30 000 ruvnnu Nuoraid nammasaš guolástusprošektii, Muosáid suohkanis. Sii oaivvildit lea dehálaš dan vuoruhit ja ásahit buori ja oadjebas arena, gos sáhttet oahppat suorggi birra, jearrat ja buktit iežaset oainnuid.
– Lea dehálaš láhččit dili vai nuorain lea vejolašvuohta háhkat vásáhusaid guolásteamis. Mii leat ilus go beassat doarjut Nuoraid guolástusprošeavtta ja sávvat sii nagodit háhkat eanet nuoraid guolástussii, dadjá sámediggepresideanta Silje Karine Muotka preassadieđáhusas.
Sámediggeráđđi háliidit buoridit rekruterema guolástusaide, «Eanet nissonlaš fidnoguolásteaddjit» ja «Buoridit ássanmovtta ja unnit eretfárren».
