-Almmuhus-
SMÁVVAOĐĐASATDoarjja mearra­sámi viesu dokumentárii

Doarjja mearra­sámi viesu dokumentárii

Journalista

-

-

Sámediggeráđđi lea juolludan 100 000 ruvnno ovttaolbmofitnodahkii Knut Bjørnar Arnesenii dokumentárafilmma buvttadeapmái dan oktavuođas go lea hukseme viesu Langhuset Lotre Sállanis Hámmerfeastta suohkanis.

Langhuset Lotre galgá šaddat viessu mas lea fatnasa hápmi. Viessu lea mearrasámi inspirerejuvvon ja galgá čalmmustahttit mearrasámi historjjá. Galgá buvttaduvvot dokumentárafilbma Langhuset Lotre huksemis, mii galgá movttiidahttit olbmuid oahppat eanet mearrasámi kulturhistorjjá ja huksendáidaga birra.

Mielde loktet mearrasámi kultuvrra

Mihttu lea gaskkustit árbevirolaš giehtabarggu ja fágalaš gelbbolašvuođa, ja movttiidahttit duostat álggahit ja čađahit prošeavtta. Mihttojoavku lea earret eará báikkálaš álbmot, dáiddárat olles máilmmis, turisttat ja skuvllat.

– Lean ilus go Sámediggi sáhttá leat mielde doarjume prošeavtta mas lea stuora mearkkašupmi mearrasámi huksen- ja giehtabargoárbevieruide. Dát lea mielde lokteme mearrasámi kultuvrra, ja boahtá áiggi mielde addit sihke mátkkálaččaide ja báikkálaš álbmogii buriid vásáhusaid, dadjá sámediggeráđđi Maja Kristine Jåma (NSR).

ILUS: Sámediggeráđđi Maja Kristine Jåma lea ilus go Sámediggi sáhttá leat mielde lokteme mearrasámi kultuvrra. Vuorkágova govven: Anne Gro Gaup. 
ILUS: Sámediggeráđđi Maja Kristine Jåma lea ilus go Sámediggi sáhttá leat mielde lokteme mearrasámi kultuvrra. Vuorkágova govven: Anne Gro Gaup. 

Jåma jáhkká ahte prošeavttas lea mearkkašupmi sámi kultuvrii Hámmerfeastta guovllus, ja ahte dat boahtá váikkuhit positiivvalaččat sámi kultuvrra gaskkusteapmái ja diehtojuohkimii boahtteáiggis.

100 000 ruvdnosaš juolludeapmi addo doarjjaortnegis «Doarjja kulturdoaimmaide», ja lea prošeakta mii goziha árbedieđuid ja ávnnaskeahtes kulturárbbi.

Prošeavtta čađaheaba vuolggaheaddjit Eva ja Knut Bjørnar Arnesen ovttas iFinnmarkain, Pro Barentsiin ja Hámmerfeastta suohkaniin.

-Almmuhus-