Sámediggeráđđi lea juolludan 300 000 ruvnno Norgga Biibbalsearvái jorgalit biibbalteavsttaid lullisámegillii.
Dán jorgalanprošektii lea Norgga Biibbalsearvi ožžon doarjaga 2020 rájes. Prošeakta lea ovttasbargu Norgga ja Ruoŧa biibbalservviid gaskka, ja goappaš searvvit ruhtadeaba barggu siskkobealde iežaska riikkaid. Ulbmil dáinna prošeavttain lea gárvet Ođđa Testamentta jorgalanbarggu ja jorgališgoahtit válljejuvvon teavsttaid Boares Testamenttas.
Norggas bargá Norgga Biibbalsearvi ovttas Girkoráđiin/Sámi girkoráđiin, Nidaros bismagottiin, Saemien Åålmege ja Nord Universitehtain Levangeris. Biibbalsearvi geavaha maid olbmuid geain lea lullisámegiel gelbbolašvuohta. Prošeakta bargá aktiivvalaččat giellaovddidemiin.
– Sámedikki mielas lea dehálaš ahte lullisámi giellaservodat oažžu jorgaluvvot Biibbala iežaset gillii, lohká sámediggeráđđi Mikkel Eskil Mikkelsen preassadieđáhusas.
300 000 ruvdnosaš doarjja addo Giellaovddidandoaimmat-doarjjaortnegis.
