Jahkásaččat juolluda Norga doarjaga máilbmeárbái stáhtabušeahtas. Dán jagi juhket 65 miljovnna kruvnna gávcci máilmmeárbebáikái Norggas.
Dálkkádat- ja birasdepartemeanta juolluda ruđa Norgga máilbmeárbebáikkiide Riikaantikvára bokte. Doarjja galgá veahkkin ovdánahttit máilbmeárbeguovllu sihke luonddu- ja kulturbirashálddašeami ektui.
Dat gávcci máilbmeárbebáikki leat: Struve meridiánadávgi ja Báktegovat Álttás, guktot Romssa ja Finnmárkku fylkkas, Urnes stáhpekirku ja Bryggen nammasaš báiki Bergenis, guktot Vestlándda fylkkas, Rjukan-Notodden industriijaárbi, Vestfold ja Telemárkku fylkkas, Plassje ruvkebáiki ja Circumferensa, Trøndelága fylkkas, Vega sullot, Nordlándda fylkkas, ja Vestnorsk fjordlandskap, Møre ja Romsdal ja Vestlándda fylkkas.
– Doarjja juolludemiin sáhttá máilbmeárbeguovlluid buorebut áimmahuššat ja seailluhit. Dat mielddisbuktá maid ahte máilbmeárbeárvvuid sáhttá gaskkustit ja ovdánahttit eambbo máhtu máilbmeárbbi birra, lohká riikaantikvára Hanna Geiran preassadieđáhusas.