Sámediggeráđđi lea juolludan 474 000 ruvnno doarjjan jorgalit girjjálašvuođa Julevsámegillii.
Tjihkkom Almmudahka lea ožžon 124 000 ruvdnosaš doarjaga mii galgá geavahuvvot jorgalit máŋga riikkaidgaskasaš girječálliid teavsttaid julevsámegillii. Seammás galgá maid deaddiluvvot noveallačoakkáldat mas lea dál álgovuorus bajilčála «Substasa amás gáttes».
– Tjihkkom Almmudahka lea oalle ođđa lágádus Julevsámi guovllus, mas lea ulbmil jorgalit girjjálašvuođa julevsámegillii. Lágádus lea jo jorgalan ja almmuhan «Alice i eventyrland» julevsámegilli ja lassin vel Panamagirjjiid.
Lea illudahtti oaidnit ahte lágádus joatká barggu jorgalit klassihkkár girječálliid barggu, dadjá sámediggeráđđelahttu Maja Kristine Jåma.
Ođđa lágádus ja ođđa girji
Sámediggeráđđi lea maid addán 350 000 ruvdnosaš doarjaga áibbas ođđa julevsámegiellalágádussii Nálaga Tjállaga. Lágádus áigu almmuhit ovtta nuoraidgirjji, man bajilčála lea «Bådådjo buoremus gæjmmár/Bodøs beste gamer, mii lea čáppagirjjálašvuohta ja lea čállon julevsámegillii.
