Báhčaveaji álbmotmeahccestivra lea ožžon 400 000 ruvnnu Kulturmuitofoanddas divodit golbma vistti Gjøken nammasaš báikkis. Prošeakta lea dehálaš báikkálaš mátkeealáhussii.
Doarjja lea áitái mii ceggejuvvui 1903:s, stálljii mii ceggejuvvui 1922:s ja Reamal-bartii (Skogfosskoia) mii ceggejuvvui 1880-logus. Visttit leat ain čuožžumin, muhto eai lea geavahusas. Visttit sirdojuvvojedje Gjøkenii, dahje nu gohčoduvvon Gjøken-hotellii, mii lea Báhčaveaji historjjálaš visttiid gilišillju 1960 rájes. Visttit galget plána mielde lea oassin jagi birrasaš diehtojuohkinbáikin Báhčaveajis ja erenomážit Báhčaveaji álbmotmeahcis.
– Visttit duođaštit stáhta meahccedoalu ja nationála rájáhistorjjá. Dát plánejuvvon visttiid divodeapmi mearkkaša ahte visttit ja historjá gáhttejuvvo boahtteáigái, dadjá Simen Bjørgen Kulturmuitofoanddas.
Visttiin lea alla gáhttenárvu, ja okta dain lea ráfáidahttindásis, dieđiha Romssa ja Finnmárkku fylkkagielda.
