-Almmuhus-
OĐĐASATDoarjja fasáda rievdadeapmái

Doarjja fasáda rievdadeapmái

-

-

Sámediggeráđđi juolluda 325.000 ru Dirgi AS:ii Unjárggas, mii áigu rievdadit fasáda Fjordgården 1-bygget nammasaš visttis Vuotnabađas.

Investerensearvvi Dirgi AS eaiggáduššá Fjordgården 1, mii lea fitnodatguovddáš Vuonnabađa guovddážis, mas leat Restaurant Capri ja hotellet 8 Seasons.

Dirgi AS áigu rievdadit vistti fasáda. Earret eará galgá visti skoađastuvvot ja čuovggat galget biddjot. Dán jagi leat investerejuvvon 10 ođđa hoteallalanja vistái ja čakčat leat álggahan hotealladoaimma.

Doarjja lea addojuvvon doarjjaortnegis Ealáhusat, fitnodatovddideapmi, lotnolas- ja meahcceealáhusat, ja doaibmabidju gullá vuoruhemiide, danne go lea ovddidandoaibmabidju mii váikkuha ollu fitnodatovddideapmái.

– Hotealla ásaheapmi ja vistti divvun, mas lea hotealla ja restoráŋŋa, lea deaŧalaš áŋgiruššan mii addá stuorra oalgeváikkuhusaid eará ealáhusaide Vuonnabađas ja guovlluin birrasis, dadjá sámediggeráđđi Silje Karine Muotka preassadieđáhusas.

-Almmuhus-