Romssa ja Finnmárkku fylkkaráđđi leat várren juolludit 1,3 miljovnna ruvnnu guovllumobiliseremii fylkkas.
Ealáhusa ja birrasa fylkkaráđđi, Karin Eriksen (Gb), lohká leat dárbbu nannet innovašuvdnastruktuvrra dál, koronaheađis.
– Earret eará ealáhusgárddit ja inkubatorat leat dehálaš doarjjastruktuvrrat doaresbeale guovlluid ealáhussii. Doarjagat guovllumobiliseremii addet aktevrraide fámuid ovddidit digitála deaivvadanbáikkiid ja joatkit barggu sin guovlluid ealáhusain, dadjá Eriksen preassadieđáhusas.
Áigemearri ohcat doarjaga lea borgemánu 19. beaivvi.
