-Almmuhus-
-Almmuhus-
-Almmuhus-
OĐĐASATDoapparbáiki buollá ain 

Doapparbáiki buollá ain 

-

-

Jáhkkimis ádjánit čáskadanbarggut vel máŋga beaivvi Ráissa doapparbáikkis gos buollái mannan sotnabeaivvi. 

Vaikke buollinveahka lea čáskkadan dolaid olles mannan ija, de buollá ain Ráissa doapparbáikkis maŋŋebárgga ovdagaskabeaivvi, čállá NTB. 

 

Buollán máŋga beaivvi

Ráissa doapparbáikkis buollái mannan sotnabeaivvi ja jáhkkimis gollet vel máŋga beaivvi ovdal go nagodit jáddadit dolaid.

Sihke Romssa buollinveahka ja suodjalusa helikopter leat veahkkin čáskadandoaimmain.  

– Lea váttis einnostit man guhká buollá go báikkis han leat vaikke man olu ruskkat. Jáhkkimis mannet vel máŋga beaivvi čáskadanbargui, dadjá Ráissa buollinveaga fágajođiheaddji Roy Hansen NRK:i. 

 

Eváhkku

Vuossárgga mearridedje politiijat evakueret olbmuid geat ásset unnit go kilomehtera eret doapparbáikkis.

Guovllus leat gaskal 40 ja 50 viesu ja sullii 70 olbmo gárte guođđit ruovttuideaset go buollima geažil sáhttá mirkkosuovva leavvat.

Politiijat ožžo dieđu buollima birra sotnabeaivvi diibmu 13.15.

Doapparbáiki lea sullii njeallje kilomehtera eret Ráissa čoahkkebáikki. 

-Almmuhus-