Sámi álbmotbeaivvi lágida Hanna Nutti digitála konseartta, ja čuojaha iežas musihka ja almmuha vel ođđa musihka.
– Guldal akusttalaš konseartta go ráhkkanat eahkedii, gohkket gaskabeivviid dahje jus dušše velohalat veháš Sámi álbmotbeaivvi, dieđiha lágideaddji Krokoms sámi hálddašansuohkan ja Jijsen Siebrie Facebookas.
Hanna Nutti lea ovdalaččas almmuhan lávlagiid mat leat eŋgelasgillii, nu go «Fool», «Hold me like I’m her», «You will miss me» ja «I will need you». Digitála konseartta sáhtát geahččat neahta bokte, ja bistá birrasii 40 minuhta.
