-Almmuhus-
-Almmuhus-
-Almmuhus-
OĐĐASATDoalahit ambulánsagirdi Finnmárkkus

Doalahit ambulánsagirdi Finnmárkkus

-

-

Davvi Dearvvašvuohta lea maŋŋel čoahkkimiid ja árvvoštallamiid mearridan bisuhit ambulánsagirdi ortnega nu movt ovdalaččas lea.

Davvi Dearvvašvuohta mearridii doalahit dálá ortnega Álttás, gos lea jándorgirdi ja beaivegirdi.

 

– Ii jierpmálaš doalvut Romsii

Váldoágga lea ahte sáhttokapasitehta Hámmárfeastta buohccivissui sihkkarasto, ja eará smávit girdišiljuid gaskkas Finnmárkkus.

– Mii oaivvildit ahte ii leat jierpmálaš ásahit ortnega mas pasieanttaid šaddet doalvut Romsii go eai sáhte seaivut unnibuš girdišiljuide, dadjá Davvi Dearvvašvuođa direktevra Lars Vorland preassadieđáhusas.

 

Olbmot galget leat ain oadjebasat

Vaikko olbmot orrot báikkiin gosa ii leat álki beassat, de galget leat ain oadjebasat ahte sis lea heahteveahkki jus dárbbašit. Leaš dal biila, fanas, girdi dahje helikopter.

Guhkit áigge ja oanehit áigge ekonomalaš hástalusaid dihte fertejit dahkat dan maid sáhttet vai bálvalus šaddá buorebun nu ahte ii leat badjekapasitehta.

 

Boahtteáiggi fálaldagaid doalahit

Davvi Dearvvašvuohta ferte effektiviseret vai nagodit doalahit fálaldaga pasieanttaid váste, ja vel hukset boahtteáiggi visttiid ja reaidduid investeremiidda vuođu.

– Mii fertet vuhtii váldit pasieanttaid dárbbuid geain leat bissovaš dávddat, psyhkalaš dearvvašvuohta ja gárrenmirkogeavaheapmi, ja vuhtii váldit dárbbu ruhtadit divraset borasdávdadikšuma, dadjá Vorland.

-Almmuhus-