-Almmuhus-
-Almmuhus-
OĐĐASAT Doaktá­rat leat kritihka­laččat mili­teara­hárje­halla­mii

Doaktá­rat leat kritihka­laččat mili­teara­hárje­halla­mii

-

-

Badjel 3000 olgoriikka soalddáha leat čoahkkanan Davvi-Norgii hárjehallamii ja máŋgasis lea duođaštuvvon Covid-19.  Bearalvági gielddadoavttir lohká dan leat mielaheapmin.

Dássážii leat jo registrerejuvvon 52 lihtolaš soalddáha Beardogoržžis geain lea koronavirus. Vurdet maid iskkusvástádusaid boahttevaš beivviid ja vahkkuid. Dasa reagerejit máŋga doaktára.

– Dát lea mielaheapme! Mii leat eahpesihkkaris dilis, eai ge gávdno ákkat dasa manne dan riskka galggašii váldit, dadjá Bearalvági gielddadoavttir Hanne Heszlein- Lossius NRK:i.

Son oaivvilda ahte olles hárjehallan berrešii maŋiduvvot go lea dárbbašmeahttun riska importanjoammumiid ja muterejuvvon virusa dáfus. Su doarju maiddái Girkonjárgga buohcciviesu akuhtta- ja anestesiijaváldodoavttir Oddvar Kvalsvik.

– Dat sáhttá mielddisbuktit dárbbašmeahttun stuorra deaddaga buohcciviesuid intensiivasajiide, koronapandemiija áiggis, lohká Kvalsvik.

Suodjalusministtar Frank Bakke-Jensen (Olgeš) ii leat ovttaoaivilis.

– Buot doaimmat dagahit riskka, muhto mii geavahat olu návccaid unnidit riskka, dadjá son. (©NTB)

-Almmuhus-