Stáhtaministtar Erna Solberg (Olgeš) doaivu ahte sáhttit mátkkoštit Eurohpás geasseluomus, muhto rávve olbmuid bidjat alternatiiva plána.
– Soaitá vejolaš ahte mii sáhttit mátkkoštit muhtin riikkaide Eurohpás geasset, muhto go ii oktage sáhte dáhkidit ahte buvtta dahje systemat leat doarvái buorit, de ledjen mun goit sihkkarastit iežan buori diŋgonmáhcahanbuhtadusain ja alternatiiva plánain, dajai stáhtaministtar preassadieđiheamis koronadilálašvuođa birra vuossárgga.
Seammás deattuha son ahte olbmot galggaše plánet beassášluomu Norggas:
– Mun dajan ahte vaikko maid diŋgot, de sihkkarastte ahte dus lea diŋgonmáhcahanbuhtadus. Dan doaivvun leat deháleamosin. Go dan ii goasse dieđe. Mii leat hearkkes dilis.
Vuossárgga ovdanbuvttii ráđđehus muhtin ložžemiid koronadoaibmabijuin, muhto doalahit rávvaga garvit dárbbašmeahttun astoáigemátkkiid Norgii ja olgoriikii.
– Mii leat dakkár dilis ahte sáhttet boahtit olu čavgadet doaibmabijut jus eat nagot eastadit virusa. Die lea čuolbma mii mis dán áigge lea, dajai stáhtaministtar.
(©NTB)
