Sámediggi ja duodješiehtadallamiid bealit leat soahpan šiehtadusa jahkái 2017, rámma lea 7,5 miljon kruvnna.
Sámediggi ja duodješiehtadallamiid bealit leat soahpan šiehtadusa jahkái 2017, rámma lea 7,5 miljon kruvnna.
Sámediggi ja duodjeorganisašuvnnat Sámiid Duodji ja Duojáriid Ealáhussearvi šiehtadallet duoji ealáhusšiehtadusa.
Sámediggeráđđi Ann-Mari Thomassen lea duhtavaš ođđa šiehtadusain.
– Ulbmilin lea ovddidit duoji ealáhussan mas lea buoret gánnáhahttivuohta, ja vai iežas dujiid jođiha eanet vuovdimis. Daid ruđaid bokte mat leat várrejuvvon duodješiehtadusas ja doaibmadoarjjaortnegis, sihkkarastojuvvo duojáriidda ekonomalaš einnostan vejolašvuohta, muitala Thomassen preassadieđáhusastis.
Stuora vuordámušat
Sámediggi várre 900 000 kruvnna jahkái 2017 mearkagálvoprošeavtta joatkimii mas Sámiid Duodji ja Duojáriid ealáhussearvi sáhttet ohcat.
– Sámediggeráđis leat stuorra vuordámušat mearkagálvoprošeavtta čađaheapmái, ja lea movtta go organisašuvnnat váldet badjelasaset dán ovddasvástádusa, dadjá Thomassen.
