-Almmuhus-
-Almmuhus-
SMÁVVAOĐĐASATDoaibma­bijut galggašedje geahpedit lottiid girdimis bieggamillo­fápmorusttegiidda

Doaibma­bijut galggašedje geahpedit lottiid girdimis bieggamillo­fápmorusttegiidda

-

-

NVE lea mearridan ahte Smøla Vind 2 AS ferte čađahit váidudeaddji doaimmaid geahpedan dihtii loddejámu go girdet bieggamillosoajáide. Vuođđu mearrádussii lea ođđa dutkandieđut mo Smøla bieggamillut váikkuhit lottiid ceavzimii. 

Smøla vindkraftverk lea ceggejuvvon Møre ja Romsdal fylkii ja biddjui johtui 2002/2005. Smøla lea dehálaš guovlu lottiide ja olu jagiid leat dutkojuvvon mo dát bieggamillofápmorusttet lea váikkuhan sullo lottiide.

Maŋimuš jagiid leat almmuhuvvon olu dutkanraporttat dan birra. Čájehuvvo ahte go bieggamillotoartnaid geađgejuolgi málejuvvui čáhppadin, de geahpedii dat rievssatjámu measta beliin, 48 proseantta, vilges toartnaid ektui.

Nubbi eará dutkan čájehii ahte jahkásaš loddejápmu geahpeduvvui 70 proseanttain daid bieggamilluid birra main lei okta soadjá málejuvvon čáhppadin. Daid ođđa dieđuid vuođul lea Smøla vindkraftverk ožžon guhkiduvvot konsešuvdnaáigodaga, jus čuovvu NVE (Norgga čázádat- ja energiijadirektoráhta) konsešuvdnaeavttuid: NVE dáhttu Smøla bieggafápmorusttega evttohit plánas mo sii áigot váidudit loddejámu ovdal 31.06.22. NVE ferte dohkkehit plána.

Dutkanprošeavttaid diehtu sáhttá váikkuhit olu bieggamillofápmorusttegiidda sihke Norggas ja olgoriikkas, čállá NVE preassadieđáhusas, 

-Almmuhus-