-Almmuhus-
-Almmuhus-
SMÁVVAOĐĐASATDivrras biebmat dorski 

Divrras biebmat dorski 

-

-

Sáhttá máksit gaskal 40-43 ruvnno buvttadit ovtta kilo biebmodorski. 

Dan leat Nofima dutkit gávnnahan. 

– Jus dat galgá leat gánnihahtti, de ferte dorski haddi divrut, dahje ferte leat erohus biebmodorskis dábálaš dorski ektui, nu ahte sáhttá bealuštit buvttadangoluid, dadjá Nofima márkanastindutki Morten Heide preassadieđáhusas. 

Ii leat váttis biebmat dorskiid main lea buorre kvalitehta, ja oastit maid orrot bures liikome biebmodorskiide. Ekonomalaččat maiddái menestuvva dál buorebut biebmat dorskiid.

– Gánnihahtti buvttadeapmi gáibida hatti biebmodorskis mii máksá goluid buvttadit, dadjá Heide. 

Áhpegeavahanstašuvdna Romssas lea juo biebman vihtta buolvva dorskiid, ja dál lea biebmame guđat buolvva dorskiid stuorisin. 

Dál go leat biebman dorskiid vihtta-guhtta buolvva, de leat dat šaddan lojis guolit mat loktet ja sturrot bures, ja eai ge vikka šat gárgidit. 

– Dál leat dorskit dan muttos ahte sáhttá álggahit gávppi daiguin, lohká Øyvind Hansen gii jođiha Nofima dorskebiebmanprográmma.

-Almmuhus-