Kárášjoga márkanis leat guhká leamaš iešguđet lágan hástalusat čázi geažil, dál lea gielda divodeamen Láttošluohká čáhcefierpmádaga.
Kárášjoga márkanis leat guhká leamaš iešguđet lágan hástalusat čázi geažil, dál lea gielda divodeamen Láttošluohká čáhcefierpmádaga.
Kárášjoga gielda lea čakčamánu 1. beaivvi rájes divodan čáhcedoalu Láttošluohkkái. Ulbmil lea lasihit čáhcedeattu ja buollinčáskadannávccaid fierpmádagas Láttošluohká guovlluin.
Danne álggahuvvoje goaivunbarggut 21. beaivvi, dalle láktet čáhcebohcciid ja molsot čáhcekummaid mat gullet deaddolasihanrusttegiid Láttošluohkás.
Geaidnu soaitá gaskaboddosaččat baskkiduvvot
Vázzingeaidnu Láttošluohká ássanguvlui giddejuvvo nu guhkká go barggut bistet.
– Mii háliidivččiimet bisuhit johtolaga guktuin vuodjinbánain Láttošluohkái, muhto barggu dihtii soaitit šaddat giddet nuppi vuodjinbána goaivunsaji guora. Vuodjinbána gidden mielddisbuktá ovttaguvluivuodjima meattá goaivunsaji ja rahpat ovttaguvluivuodjima kirkogárddi bokte, čállá gielda iežaset neahttasiiddus.
Barggut mielddisbuktet oanehat čáhcegiddemii vuossárggas 29.09 vuossárgii 19.10. čuovvovaš gaskkain:
• Kumma Jeagilvármáđii/Bieskángeainnus Jeagilvármáđii geaidnoerrui – Niittošjogaš
• Viesut Láttošluohká vázzingeaidnoguora Láttošluohká ássanguvlui.
Eanaeaiggádiidda boahtá čálus dán birra.
Soaitá vel heajubut cirgut
Čáhcedoallu Láttošluohkkái, boahtá dálá čáhcebohcciin Bieskángeainnus Niittošjogažii. Gielda dađistaga árvvoštallá dárbbu gaskaboddosaš bohccái meattá goaivunsaji deaddolasihanrusttega bokte Láttošluohkás.
– Mii gáddit ahte deaddu váidu dálá ektui. Dat sáhttá mielddisbuktit ain heajut čáhcedeattu daid bajimuš viesuide Látevuovddis ja Gaskavuovddis, gos muđui lea jo heajos deaddu, čállá gielda.
