Juovlamánu 6. beaivvi sáhtát deaividit soalddahiiguin sihke rámbuvrris, skuvllas, bátnedoaktára, suohkanviesus ja eará bargobáikkiin. Buot bargosurggiin leat soalddáhat geat gullet Ruovttusuodjalussii.
Disdaga lágiduvvo beaivi goas buohkat, geain lea gullevašvuohta Ruovttusuodjalussii ja geat iežaset bargosajis leat ožžon lobi, sáhttet coggat suodjalusbiktasiid juogo bargui dahje skuvlii.
Dálá sihkarvuođapolitihka dilli máilmmis lea dagahan ahte lea deháleabbo go goassege ovdal čájehit ahte Norggas lea nanu ja oinnolaš Ruovttusuodjalus. Ruovttusuodjalus háliida leahkit oidnosis báikkálaš servvodagain.
Ruovttusuodjalusas leat oktiibuot 40 000 soalddáha miehtá Norgga.
– Mii lágidit dakkár beaivvi vai boahtá oidnosii miehtá Norgga mii Ruovttusuodjalus lea, ja geat dasa gullet. Jurdda dakkár beivviin lea ahte olbmot galget rápmásat leahkit ja árvvus atnit dan barggu maid Ruovttusuodjalusa soalddáhat dahket. Mii áigut maid čájehit man dehálaš Ruovttusuodjalus lea min báikkálaš gearggusvuhtii, buot suohkaniin. Mii sávvat ahte dákkár beaivi addá beroštumi ja áŋgirvuođa Ruovttusuodjalussii, dadjá Ruovttusuodjalusa hoavda, generálamájora Elisabeth Michelsen, preassadieđáhusas.
