-Almmuhus-
OĐĐASATDine aviissaiguin ja viessodávviriiguin

Dine aviissaiguin ja viessodávviriiguin

-

-

Altaposten aviissa direktevra ja Ávvira beaivválaš jođiheaddji, Tor Sara, lea son guhte vuot dine eanemus sámi mediabargiid ja jođiheddjiid searvvis. Go vearu ja visot goluid lea geassán eret, lea sus vel báhcán 1 044 670 ruvnno.

Tor Saras ii leat dušše aviisajođiheapmi bargun. Sus leat 13 rolla iešguđetge fitnodagain. Dasa lassin go son jođiha dien guokte aviissa, de lea son maid kvena aviissa, Ruijan Kaiku AS, beaivválaš jođiheaddji, ja son lea njealji viessodávvirfitnodaga stivrajođiheaddji, Alta Møbler AS, Skjervøy Møbler AS, Honningsvåg Møbler AS ja Hammerfest Møbler AS. Dasa lassin lea son maid AS Framtid i Nord Avisdrift stivrajođiheaddji, ja nu ain.

 

Čeahpit viežžat gelbbolašvuođa
Tor Sara duođašta ahte sus leat olu doaimmat iešguđetge stivrras, ja máŋggaid son maid jođiha.
– Mun in dieđe viessodávviriid birra nu olu, muhto mus lea eará gelbbolašvuohta mii heive fitnodatstivrii. Hui čeahpit viessodávvirfitnodagat viežžat gelbbolašvuođa eará surggiin go viessodávvirsuorggis, lohká son.

 

Ii beroš
Vaikke son lea mediaásahusaid jođiheddjiid searvvis guhte dine buoremusat, de su mielas lea ortnegis ahte su vearrologut almmuhuvvojit.
– Mus leat veahá iešguđetlágan jurdagat dien birra, muhto Norggas lea nu demokráhtalaš vuogádat ahte galget albmosii vearrologut, in mun ge gal das duođi eambbo beroš, lohká Sara loahpas vel.

 

Sámi mediabargiid ja jođiheddjiid vearrologut:

-Almmuhus-