-Almmuhus-
-Almmuhus-
OĐĐASATDiimmá musihkkáriidda bálkkašumit

Diimmá musihkkáriidda bálkkašumit

-

-

Guovvamánu 10. beaivvi nammadit Sámi musihkkavahkku oktavuođas dán jagáš musihkkáriid, Sami Music Awards šovvas.

«Sami Music Awards» lágiduvvo lávvordaga, guovvamánu 10. beaivvi Álttá studeantaviesus. Sami Music Awards lea oassi Sámi musihkkavahkkus – internašunála dálvemusihkkafestivála ja deaivvadanbáiki Norgga, Suoma ja Ruoŧa musihkkáriidda ja artisttaide.

 

Buot mearkkašahtti musihkkárat

Sami Music Award speadjalastá lihkastagaid ja treanddaid sámi musihkkabirrasis ja geahččalit fátmmastit buot mearkkašahtti musihkkáriid. Eai dárbbat dušše artisttat, muhto maiddái lávllačállit, musihkkabuvttadeaddjit ja nu ain.

 

Nammaduvvon iešguđet surggiide

Dán jagá jury, mas leat olbmot iešguđet agiin, nomineren áigeguovdilis kandidáhtaid čuovvovaš surggiide: rabas luohkká, jagáš árbevierroseailluheaddji, jagáš lávllačálli, jagáš buvttadeaddji ja jagáš easkkaálgi.

 

Lágideaddjit lohpidit buori šovva

Lea Audioland mii lágida Sami Music Awards, ja lágideaddjit leat ovdal dadjan Ávvirii ahte sii lágidit doaluid go Sápmi dárbbaša deaivvadandoaluid musihkkáriidda gos sihke fuomášuvvojit ja loktejuvvojit sin barggut eará dássái.

-Almmuhus-