Sisriikka luomostallan ja luondu lea geasuhan eambbo miellahtuid Norgga bivdiid- ja guolásteddjiidsearvái diibmá. Nu lea maid guolásteapmái ja bivdui lassánan beroštupmi.
Loahpageahčen jagi 2020 ledje bivdiid- ja guolásteddjiidsearvvis 110.050 miellahtu, dát lea 1.556 eambbo go jagi ovdal. Sii leat diibmá vuoruhan bearašmiellahtuid vuosttaš geardde, ja vuosttaš jagi ledje ge 9.239 olbmo geat čálihedje dákkár miellahto šiehtadusa.
Bivdu šaddá maid eambbo bivnnut nissoniid gaskkas ja diibmá ledje ge 14 proseantta eambbo nissonolbmot geat šadde Norgga bivdiid- ja guolásteddjiidsearvvi miellahttun. Dál leat oktiibuot 15.616 nissonolbmo miellahtut.
