Ávvir lea jearahallan Troanddimis ahte dihtet go olbmot ahte lea Sámi álbmotbeaivi ja mat Tråante 2017 doalut leat.
– Dieđát go mii odne lea beivviid?
Jorunn Skjermo, Surnadal, Troandin.
– Juo dan gal dieđán. Lea Lihkku beivviin!
Dieđát go mat dál leat doalut Troandimis?
– Juo, dieđán dis lea juogalágan festivála dáppe. Galget leat olu kulturdoalut, čájáhusat, márkanat. Lean lohkan olu dan birra Adresseaviissas, lei maid sáddejuvvon sierra aviisa doaluid birra, nu ahte lean olu lohkan daid birra.
Liv Nilsen, Troandin.
– Juo, dieđán ahte lea sápmelaččaid našunálabeaivi odne.
Dieđát go mat dál leat doalut Troandimis?
– Dieđán ahte galget leat čájáhusat, konsearttat ja dieđán ahte galgá juoga dáhpáhuvvat Olavshallenis maid.
Alf Martin Sandstad, Troandin.
– Juo, mun gal dieđán lea sámiid beaivi. Dáppe lea Rockheim báiki čuvgejuvvon sámi ivnniiguin. Lea leamašan nu olu medias dan birra, ja jus olmmoš veaháš ge čuovvu mielde, de gal dan galgá ožžon mielde. Dan birra mun gal dieđán, muitala drošševuoddji gii sotnabeaivvi logai iežas vuojihan guokte sápmelačča.
