-Almmuhus-
-Almmuhus-
OĐĐASAT Digge­ášši maŋi­duvvo fas

Digge­ášši maŋi­duvvo fas

-

-

 Ođđa diggi galggai čađahuvvot cuoŋománus digitála reaidduid bokte, koronadávdda dihte, muhto dá maŋiduvvo diggeášši fas buozalmasvuođa dihte.

Lohpageahčen ođđajagemánu celkkii Lágamánneriekti ahte šaddet olles dikki ođđasit čađahit gaskal Sárevuomi ja Norgga stáda. Sárevuopmi čearu ja Norgga stáda diggeášši, masa gullet Eanandoallo- ja biebmodepartemeanta ja Statskog.  Sárevuomi čearru gáibida okto beassat geavahit ieaset árbevirolaš dálve- ja geasseguohtumiid Álddesjávrri guovllus Sis-Romssas.

Sárevuomi čearu  ja Norgga stáda duopmu galggai celkojuvvot ođđajagemánu álgobeivviid. Muhto ođđajagemánu loahpas cealkii Lágamánneriekti ahte šaddet olles dikki ođđasit čađahit go fertejit molsut duopmáriid ovdal go duomu sáhttet cealkit. 

Dál lea ulbmil diggeášši  doallat miessemánu loahpas dehe álgobeivviid geassemánus, Hålogalándda diggerievttis Romssas.

-Almmuhus-