-Almmuhus-
OĐĐASATDigaštallan fylkkaid ovttasteami birra

Digaštallan fylkkaid ovttasteami birra

-

-

Finnmárkkus áigot lágidit álbmotjienasteami galget go mieđihit ovttastit Romssa fylkkain vai eai. Odne eahket lágidit Altaposten ja NRK Finnmárkku digaštallama, gos galget hupmat juste dan ášši birra. 

19 fylkka galget šaddat 11 regiovdnan, muhto Finnmárku ii mieđit ovttastit Romssa fylkkain, nu go Suohkandepartemeantta bealis gáibidit.

Lea mannan nu guhkás ahte Finnmárkkus áigot lágidit álbmotjienasteami galget go mieđihit ovttastit vai eai.

Digáštallámii leat bovden fylkkapolitihkkáriid, Stuorradikki politihkkára ja eará berošteddjiid hupmat dan birra.

Sii leat maid ožžon kommentáhtorin NRK Sámi hoavdda, Mona Solbakk, Altaposten redaktevra Rolf Edmund Lund, ja Nordlys kommentáhtora Skjalg Fjellheim.

Digaštallama jođiheaba Hanne Larsen (Altaposten) ja Kenneth Strømsvåg (NRK Finnmárku).

Digaštallan čájehuvvo TV:s maid duorastaga, jus ii leat vejolaš ieš mannat digaštallamii.

 

 

-Almmuhus-