Lávvordat eahkeda diibmu 22:s, Deanus, dolvojuvvui muhtin dievdu girkonjárgga buohccivissui go ledje buollánhávit mat bohte biilla eksosarusttegis.
Politiijat jáhkket ahte dievdu lei vuojáhallan biilii, ja dutket ášši dál, čállá Nuorta-Finnmárkku politiijaguovlu Twitteris.
– Sus leat mearkkat go orro leamen leamaš biilla vuolde, ja politiijat dutket dan vuođul ášši, muitala operašuvdnajođiheaddji Svein Erik Jacobsen iFinnmarkii.
Guokte olbmo galget leat leamašan báikkis. Okta lei biilla vuolde, ja nuppi navdet vuodján biilla – dahje geahččalan gárrenoaivvis vuodjit biillain, muitala Jacobsen iFinnmarkii.
