Politiijat bidje johtui gádjunakšuvnna veahkehit dievddu.
Árra eahkeda, lávvordaga, lei goalmmátlot-jahkásaš dievdu, váccašeame meahccetuvrra Leavnnja oarjjabealde.
Dievdu ii lean váldán makkárge čuovgga mielde tuvrii ja go jovssahalai seavdnjadassii, de válddii oktavuođa politiijaiguin. Dievdu lei ceakkus guovllus vánddardeame ja politiijat álggahedje gádjunakšuvnna ovttas Rukses Ruossain sullii diibmu 20:00 lávvordat eahkeda.
Politiijat dihte makkár posišuvdna dievddus lei ja bivde dievddu bissut báikkis dassáigo oaččui veahki.
Badjelaš diibmu 00:30 ihkku dieđihedje politiijat ahte SAR Queen lea viežžan dievddu ja ahte dievdu lei galbmon, muhto muđui eai lean eará bákčasat sus.
