Diggi galgá dagahan ahte dievdu guđii báikki.
Unnán gárvvut, skuovaid haga ja gárremiin galgá nuorra dievdu vuolgán viesus vaikko olgun badjel 30 buolašceahki mannan ija.
Dikkáskan
Maŋŋel dikki galgá badjelaš 20-jahkásaš dievdu mannan olggos viesus Kárášjogas. Vissui báziiga guokte ovttaahkásaš, jierásmuvvan nissona.
Dan muitala politiijaid operašuvdnajođiheaddji Svein Erik Jacobsen iFinnmarkii dáhpáhusa birra mii galgá geavvan birrasii beal viđas mannan ija.
– Soai leigga jierásmuvvan go dievdu jávkkihii olggos unnán gárvvuiguin ja skuovaid haga, go temperatuvra čájehii 32 buolašceahki, muitala Jacobsen.
Gárremin
Dievdu galgá leamaš gárremiin maid go manai olggos. Politiijat ja eambbo olbmot ledje mielde ohcamis.
– Maŋemus gávdnui lagasbirrasis ja váldui mielde fas vissui. Politiijat áigot hupmat suinna mánnodaga, muitala operašuvdnajođiheaddji.
Dán čálii iFinnmark ovddemus.
