50-jahkásaš dievdu jámii johtolatlihkohisvuođas Hámmerfeasttas duorastaga.
Heahtebálvalussii dieđihuvvui lihkohisvuođas Stállogárgotuneallas ovdalaš diibmu 15.
– Lei okta biila mii vujii gurut bealde. Dearvvašvuođabargit leat duođaštan biilla vuoddji jápmán, dieđiha Finnmárkku politiijaguovlu Twitteris.
Dievddu vieččai Sea King-helikopter ja fievrriduvvui buohccivissui, čállá iFinnmark. Aviisa čállá ahte politiijat leat dieđihan oapmahaččaide.
Politiijaid dieđu mielde ii leat guovllus heajos siivu.
– Okta biila geavai eret luottas gurut bealde. Ii leat mannan nu garrasit doares beallái. Biila manai skálvái, muhto eai leat mearkkašahtti vahágat biillas, dadjá Finnmárkku politiijaguovllu operašuvdnajođiheaddji Leo Johansen NTB:i.
Johansen dadjá dievdu ii jápmán dainna go vujii eret luottas.
(©NTB)
