Gaskavahkku eahkedis jámii badjel 60-jahkásaš dievdu gean gádjo Juranjávrris nuorttabealde Girkonjárgga, dieđiha Finnmárkku politiijaguovlu duorastaga maŋŋelgaskabeaivvi.
Dievdu galgá leat geahččalan vuodjat iežas fatnasis gáddái go lei dáhpáhuvvan lihkohisvuohta. Vihttánat oidne dáhpáhusa ja dieđihedje heahtetelefuvdnii. Gádjunbálvalus ožžo olbmá bajás čázis, muhto son lei jo guhká leamašan čázis.
Sii adde álgoveahki sutnje ovdal go dolvo su Girkonjárgga buohccivissui helikopteriin, čilge Finnmárkku politiijaguovllu operašuvdnajođiheaddji Lars Rune Hagen iFinnmarkii.
Dievdu duođaštuvvui leat jápmán gaskavahkku eahkedis Girkonjárgga buohcciviesus.
