Politiijat dieđihit ahte vuorraset dievdu, gii lei jávkan mannan ija Mázes, lea gávdnon buori vuoimmis.
Dievdu lei vuolgán meahccái njealjejuvllagiin ja go ii boahtán ruoktot, de ohcagohte su.
Sihke Stáhta Luonddubearráigeahčču, siiviilasuodjalus ja ruovttusuodjalus ledje veahkkin ohcamin dievddu.
Dievdu gávdnui jođánit go ohcagohte su ja son lei buori vuoimmis, dieđihit politiijat.