Dievdu lea sáddejuvvon Universitehtabuohccivissui Romsii.
Dievdu garrasit roasmmehuvai biilalihkohisvuođas go guokte biilla beaškkehedje oktiinjuniid Reinoksvann báikkis Davvesiiddas gaskavahku maŋŋelgaskabeaivvi.
Nubbi dievdu sáddejuvvui Girkonjárgga buohccivissui. Son ii galgga leat bahuid roasmmehuvvan, dieđiha Finnmárkku politiijaguovllu operašuvdnajođiheaddji, Jannicke Silseth Eide, NTB:i.
Goappašagat leigga darvánan roakčanan billaide, dieđiha operašuvdnajođiheaddji, Jørn Hågenrud, iFinnmark aviisii gaskavahkku.
– Mii leat dutkkahan olbmuid báikkis ja čađahat teknihkalaš dutkama, dadjá Eide NTB:i.
Lihkohisvuohta lea dáhpáhuvvan fylkkageainnus 888 gaskkal Beahkkirvuona ja Nuori, Davvesiidda gielddas. Geaidnu lei gitta.
Politiijat ožžo dieđu lihkohisvuođas diibmu 13:25.
(©NTB)
