Avvila bolesat gávdne guokte jápmán olbmo muhtin priváhtaviesus ikte, ja navdet áhččeolbmo goddán iežas 6-jahkásaš nieiddaža ovdal go iežas sorbmii.
Avvila bolesat gávdne guokte jápmán olbmo muhtin priváhtaviesus ikte, ja navdet áhččeolbmo goddán iežas 6-jahkásaš nieiddaža ovdal go iežas sorbmii.
Vuossárgga eahkeda gávdne Avvila bolesat dievdoolbmo ja máná jápmán muhtin priváhta viesus.
Lappi bolesat navdet 38-jahkásaš dievddu vuos goddán iežas 6-jahkásaš nieiddaža ovdal go iežas vel sorbmii, čállá Yle Sápmi.
Kriisaveahkki
Bolesat jotket goddinášši dutkama ja Anára gielddas leat ásahan kriisabarggu.
– Gielddas lea álggahuvvon kriisabargu oapmahaččaid ja fulkkiid ektui, dadjá Anára gieldda bargoveagačálli plánejeaddji Anne-Marie Kalla.
Rabas girku
Kriisajoavkku barggu lassin rahpet Avvila girku maŋŋelgaskabeaivvi. Girku lea rabas buohkaid várás diibmu 18:00 rájes (Suoma áigi).
Girkus fállet ságastallanveahki.
Anára gieldda ássiide fállet maid ságastallamiid mielladearvvašvuođa- ja bearašrávvehaga nummiris 040 653 0688 ja sosiálagohcima nummiris
040 351 4150.
