Politiijat leat almmuhan nama dievddus gii duššai biilalihkohisvuođas Reaisavuonas.
Politiijat leat almmuhan nama dievddus gii duššai biilalihkohisvuođas Reaisavuonas.
Árat odne lei biilalihkohisvuohta Reaisavuonas, Mátta-Várjjagis. Nuorta-Finnmárkku politiijaguovlu lea almmuhan dievddu nama twitteris. Reaisavuotnalaš Rolf Hivand (riegádan 1949) jámii lihkohisvuođas. Politiijat leat dieđihan oapmelaččaide jápmima birra.
Jámii lihkohisvuođabáikkis
Stuorát vuoján ja biila ledje seaguhuvvon lihkohisvuhtii, guktot vuojániin lei dušše vuoddji.
– Biilavuoddji duođaštuvvui jápmán doaktáris báikkis, dadjá uitala Nuorta-Finnmárkku politiijaguovlu politiijaadvokáhta Jens Bernhard Herstad.
Dutket lihkohisvuođa
Politiijat dutket lihkohisvuođa vejolaš ráŋggáštusvulot dillin, muhto Jens Bernhard Herstad muitala báikkis lea hui gálja ja ávžžuha olbmuid vuodjit várrugasat.
– Lea hui gálja, ávžžuhat olbmuid vuodjit várrugasat iige bissánit lihkohisvuođa báikkis vai eai gártta ođđa lihkohisvuođat, lohká Herstad.
Geaidnu lea gitta, muhto dábálaš biilat sáhttet vuodjit eará geainnu mielde, lohká son.
Lihkohisvuohta dáhpáhuvai ovdalaš diibmu 11:s otne.
