-Almmuhus-
OĐĐASAT Dievdu duššai

Dievdu duššai

-

-

Politiijat duođaštit ahte dievdu, gii gárttai muohtauđđasa vuollái Ivgus, lea duššan. 

Maŋŋebárgga badjelaš diibmu 13:00 ožžo politiijat dieđu muohtauđđasa birra mii fierai Sultindenis, Ivgu suohkanis. 

Diimmu maŋŋel gávdne dievddu sáddenrusttegiid vehkiin. 

– Dievdu duođaštuvvui jápmán dakkaviđe go gávdnui. Su leat dolvon Davvi-Norgga universitehtabuohccevissui, dieđiha Romssa politiijaguovlu Twitteris. 

 

Norgalaččat 

Várri gos muohtauđas fierai lea badjel 1000 mehtera allat.

Muohtauđas fierai maŋŋel go goapma luovvanii. 

– Ivgu roassojoavku áimmahuššá earáid geat ledje seamma mátkkis, muitalit politiijat. 

NTB ja eará mediat dieđihit ahte norgalaččat dieđihedje muohtauđaslihkohisvuođa birra. 

- Advertisement -
-Almmuhus-