Politiijat dieđihit duorastaga 10:33 Twittera bokte ahte leat ohcagoahtán 70-jahkasaš dievddu gii lea báhtaran muhtun institušuvnnas Deanus.
Politiijat leat Twittera bokte dieđihan ahte leat ohcagoahtán 70-jahkásaš dievddu gii lea báhtaran institušuvnnas Deanus. Politiijat lasihit ahte dievddus leat oanehis, čurges vuovttat, ja ahte sus leat čuvgesalit buvssat, čahppes jáhkka, ja soaitá gahpir. Politiijat ávžžuhit ahte jus olbmot oidnet dievddu, de galget cavgilit 02800 nummarii.
Operašuvdnaguovddáš dieđiha Ávvirii ahte dievddus lea demeansa, ja ahte ožžo dieđu odne diibmu 09:01.
Finnmárkku politiijat dieđihedje Twitter bokte diibmu 11:06 ahte almmái lea gávdnon buori vuoimmis.
