Politiijat leat váldán gitta 20-jahkásaš dievddu guhte lea áššáiduhtton vearjosuoládeamis muhtin gávppis Álttás.
Finnmárkku politiijaguovlu čállá preassadieđáhusas ahte čakčamánu 1. beaivvi suoladuvvo vearjjut Alta Canyon jakt og fiske nammasaš rámbuvrras. Čakčamánu 28. beaivvi válde politiijat gitta ovtta dievddu 20 jagiin. Ledje njeallje giehtavearjju mat suoladuvvojedje, ja buot vearjjut leat gávdnon lahkosis gos dievdu váldui gitta.
– Politiijat leat dutkan ášši jotkkolaččat dan rájes go vearjosuoládeapmi dáhpáhuvai, ja daid dieđuid mielde mat ledje čoggon, dagahedje gittaváldima mii dahkkui maŋŋebárgga eahkeda, dadjá politiijaadvokáhtta, Julius Hemminghyth, preassadieđáhusas.
Čakčamánu 14. beaivvi diibmu 14 ovddiduvvo dievdu rájusgiddagassii.
