40-jahkasaš dievddu jáhkket vuolgán iežas ruovttus sotnabeaivvi. Go dievdu ii dihtton bargui guovtti beaivái, de dieđihedje bargoustibat su láhppon.
Gaskavahkku ovdalaš bealovtta gávdnui olmmoš duššan Sálašoaivvis Romssas. Politiijat eai leat vel identifiseren olbmo, muhto jáhkket ahte olmmoš lea dieđihuvvon láhppon dievdu.
Láhppon dievdu lea olgoriikalaš gii orru Romssas.
– Dievdu gávdnui ráhpes báikkis ja doaivumis lea gahččan vulos hui ceakkus báikkis, muitala operašuvdnajođiheaddji Morten Rennland.
