Vuostemielat dievddut ožžot siva go leat beare vuollegis riegádanlogut Norggas.
Ođđa iskkadeapmi čájeha ahte dievddut fuolastuvvet go mánát addet eambbo ruhtagolu.
Servodatdutkama instituhta (ISF) iskkadeapmi čájeha nissonolbmot háliidit 2,36 máná, ja dievddut ges 2,09 máná, čalla Klassekampen.
2018:s riegádedje Norggas 55.100 máná, dát lea vuollegeamos riegádanlohku máŋggaid jáhkkái. Dutkit leat geahččalan gávdnat ákka daid vuollegis riegádahttimiidda.
Go nissonolbmuin jearrá manne sis eai leat eambbo mánát, de sii vástidit go guoibmi ii hálit šat eambbo. Dievddut ges vástidit ahte sii ieža eai hálit eambbo mánáid.
7. 686 dievddu ja nissonolbmo Norggas serve iskkadeapmái maid Álbmotdearvvašvuođainstituhtta buohtalasttii.
(©NTB)
