-Almmuhus-

Dievddut leat čielga eanet­logus

-

-

Sámi suohkaniin leat badjel beali eanet dievddut go nissonat listonjunušin. Čieža suohkanis lea dušše okta nisu sátnejođiheaddjievttohassan. 

Sámegiela hálddašanguovllus leat 13 suohkana ja dáid suohkaniin leat oktiibuot 78 bellodaga dahje listtu mat servet suohkanválggaide. 

Go geahčada buot bellodagaid listonjunnošiid, de čájehuvvo ahte oktiibuot 55 dievddu leat sátnejođiheaddjievttohassan. Dušše 23 nissona leat bajimussii árvaluvvon. 

Čieža sámi suohkanis ii leat go okta nisu listonjunušin. Dušše Deanus leat nissonolbmot eanetlogus sátnejođiheaddjievttohassan. Raarvihke suohkanis ii leat okta ge nisu njunnošis. 

Sámi suohkaniid listonjunnošat: 

Rosse: 1 nissonolmmoš ja 7 dievdoolbmo.

Snåase: 2 nissonolbmo ja 4 dievdoolbmo.

Raarvihke: 0 nissonolbmo ja 3 dievdoolbmo. 

Aarborte: 1 nissonolmmoš ja 1 dievdoolmmoš. 

Hábmer: 3 nissonolbmo ja 5 dievdoolbmo. 

Dielddanuorri: 1 nissonolmmoš ja 6 dievdoolbmo. 

Loabák: 1 nissonolmmoš ja 2 dievdoolbmo. 

Gáivuotna: 1 nissonolmmoš ja 6 dievdoolbmo. 

Guovdageaidnu: 3 nissonolbmo ja 7 dievdoolbmo. 

Kárášjohka: 1 nissonolmmoš ja 5 dievdoolbmo. 

Porsáŋgu: 4 nissonolbmo ja 4 dievdoolbmo. 

Deatnu: 4 nissonolbmo ja 3 dievdoolbmo. 

Unjárga: 1 nissonolmmoš ja 2 dievdoolbmo. 

-Almmuhus-