-Almmuhus-
-Almmuhus-
-Almmuhus-
OĐĐASAT– Dievddus lei riekti várjalit iežas

– Dievddus lei riekti várjalit iežas

-

-

Guovdageaidnulaččas lei riekti iežas várjalit, oaivvilda hoavvariekti ja áššehuhtii dievddu.

Goddon bártni bearaš guoddalii ášši hoavvariektái, maŋŋel go bearraša bárdni gottáhalai Skiellehis golggotmánu 9. beaivvi.

Ášši álggii cuoŋománu 12. beaivvi.

Hoavvariekti lea cealkán ahte go dievdu fallehuvvui niibbiin rievideami oktavuođas, de lei sus riekti várjalit iežas heakka, čállá SVT Nyheter.

 

Övre Norrland Hoavvariekti čállá preassadieđáhusas maid SVT Nyheter sitere:

– Go 26-jahkásaš fallehuvvui ja čukkohalai niibbiin, de lei sus riekti várjalit iežas, vaikko vel niibbiin. 26-jahkásaččas ii lean vejolaš báhtarit dan riidolágan dilis mas lei, ii ge sáhttán ollislaččat oaidnit dili nu ahte ieš ii gottáhala, oaivvilda diggi.

Dat duođalaš veahkaválddálašvuohta man 26-jahkásaš šattai dahkat várjalan dihte iežas heakka, ii lean čielgasit badjelmearálaš hoavvarievtti mielas. Son áššehuvvo maid hoavvarievttis.

-Almmuhus-