-Almmuhus-
-Almmuhus-
-Almmuhus-
GUOIMMUHEAPMI- Diet lei buorre árvalus

– Diet lei buorre árvalus

-

-

Álggos leat golbma gažaldaga, jus daid máhtát, de manat viidáseappot gilvvus.

Namma: Jonne Sikku

Ahki: 33

Guovlu: Guovdageaidnu

Bargu: Sámi allaskuvllas

 

1. Nils Henrik Buljo vuittii 1996s Sámi Grand Prix lávlagiin “Go beaivváš badjána” muittát go dán lávlaga geardduheame? Dat álgá ná: «Luoitte luovos jurdagiid, liegga biekkat dolvot du..» Movt joatká? (Doarvái jus 4-5 sáni máhttá)

– Hmm.. Giđđa dulvi badjána. He-he-he.. In mun gal máhte. BOASTUT!

 

Rievttes vástádus: «…ođđa báikkiid vánddardat, ođđa fámuid gealadat, giđđajohka golggiida, ráinnas áibmu lieggana, ođđa áigi ealáska, dál go beaivváš badjána».

 

2. Masa geavahuvvo sirpe?

– Čuohppat gámassuinniid, vástida Sikku jođánit. RIEKTA!

 

3. Gii válljejuvvui dán giđa Sámiid Valáštallanlihtu Norga (SVL-N) jođiheaddjin?

– Ehh.. Lemet Johnsen mun vástidan, boagusta Sikku. BOASTUT!

 

Rievttes vástádus: Kåre Olli

 

Go Sikku ii vástidan riekta buot golbma vuosttaš gažaldaga, de son ii mannan viidáset gilvvus. Son dattetge beassá geahččalit vástidit árvalusa mainna sáhttá fasket 5, 10 dahje 15 čuoggá. Dát lea dan duohken guđe ivnni vállje. Rukses árvalus lea váddáseamos, ja jus dan vástida riekta de oažžu 15 čuoggá, alit árvalusas faske 10 čuoggá ja ruonás ges 5 čuoggá.

 

Sikku vállje rukses ivnni ja mii jearrat sus dán gažaldaga:

 

Dat leat muoras ráhkaduvvon, muhto daid lea veadjemeahttun sahet. Mat leat dat?

– Muoras ráhkaduvvon, muhto lea veadjemeahttun sahet. Sáhttá vaikko mii.

Sikku ii vástit ovdal áiggi, NU son manaha čuoggáid.

 

Rievttes vástádus: Sahájáfut

 

– Diet lei buorre árvádus, boagusta Sikku. Mu mielas gal ledje veahá váddásat. Ii, dat goit ledje hui álkit, dadjá Sikku gažaldagaid birra.

 

Galle čuoggá oktiibuot: 1 čuokkis

 

Juohke gilvaleaddji beassá hástalit ođđa gilvaleaddji Ávvira geassegilvui, ja Sikku háliida hástalit Bernt Roger Somby searvat Ávvira geassegilvui.

 

Njunnošis Ávvira geassegilvvus lea Ánne Márjá Guttorm Graven 21 čuoggáin.

-Almmuhus-