-Almmuhus-
SMÁVVAOĐĐASATDiesel­biillain hehtte láddema: – Lea lohpi guođđit biilla dása 

Diesel­biillain hehtte láddema: – Lea lohpi guođđit biilla dása 

-

-

Dieselbiilla eaiggát lea guođđán iežas biilla ovdabeallái guokte johtilis 200 kw láddenstašuvnna. – Ii mus leat heajos oamedovdu, lohká son. Lea lohpi ná dahkat.

Ássanvovdnabiilla eaiggát lea guođđán biilla nu ahte guokte el-biilla eai čaga láddet dás. NAF Motor áigečála jearai sus manin.  Eaiggát, gii ii háliit iežas nama almmuhuvvot, vástidii ahte dás ii leat gielddus ahte diesel- ja bensiidnabiillaid ii sáhte dása guođđit. Stáhta geaidnodoaimmahat lohká ahte biilaeaiggádis lea lohpi nu dahkat, iige son daga maidege lobihemiid go guođđá biilla dasa.

– Biillaguođđinnjuolggadusain eai gávdno dasa makkárge njuolggadusat. Lea geaidnogalben mii regulere dan. Jus eai leat geaidnogalbbat, de sáhttá juohkehaš guođđit vaikko makkár vuojána dasa, čállá biilaguođđinbearráigeahču neavvu Halgeir Jansen e-poasttas Motor áigečállagii. 

Biilaguođđinváiddalávdegotti beaivválaš jođiheaddji Merete Horn-Eggestøl lohká lea geaidnogalba mii regulere biillaguođđima, iige láddenčuoldda. Ássanvovdnabiillaeaiggát lohká ahte jus eai hálit su nu dahkat, eai bat cegge biillaguođđingielddosgalbba dasa.

Almmolaš láddema láddenoperatevrra Mer Norge hoavda Malene Brøvig lohká sii galbegohtet ođđa láddenstašuvnnaid ahte lea dušše lohpi láddenbiillaide dasa bisánit. Norgga elbiillasearvvi váldočálli Christina Bu lohká dan biillaeaiggádis ii leat olmmošvierru, iige su mielas livčče danin dárbu ahte servodagas álo galget leat gildosat ja gohččumat.

-Almmuhus-