-Almmuhus-
-Almmuhus-
GUOIMMUHEAPMI –Dien gal in leat gullán goassege

–Dien gal in leat gullán goassege

-

-

Namma: Inga J. Eira

Ahki: 47 jagi

Guovlu: Guovdageaidnu

Bargu: persovnnalaš veahkkebargi suohkanis.

1. Lea go Sigbjørn Skåden girječálli vuoi neavttár?

–Girječálli. Eira vástida jođánit. Riekta!

 

2. Maid Sámi leavgga ivnnit dárkkuhit?

–Diet gal lei váttis.. Maid son dat dárkkuhit? Min ivnniid, gávtti ivnniid. Ja dat riekkis fas beaivváža.

Rievttes vástádus: Leavgga riekkis govvida beavvi ja mánu. Alit oassi govvida mánu ja rukses oassi beaivvi.

 

3. Joatkke diidda:«Jus rieban bárgu viesu guvlui…»

–Dien gal in leat gullan goassege. Jus riban bárgu viesu guvlui.. Mii son dat sáhttá? Mun in dien dieđe. Boastut!

Rievttes vástádus: «… de dan dálus jápma olmmoš.»

–Mun ledjen jurddašan justte nuppe ládje, ahte dohko šaddá ođđa olmmoš.

 

Go Eira ii vástidan riekta buot golbma vuosttaš gažaldaga, de son ii mannan viidáset gilvvus. Son dattetge beassá geahččalit vástidit árvalusa mainna sáhttá fasket 5, 10 dahje 15 čuoggá. Dat lea dan duohken guđe ivnni vállje. Rukses árvalus lea váddáseamos, ja jus dan vástida riekta de oažžu 15 čuoggá, alit árvalusas faske 10 čuoggá ja ruonás 5 čuoggá.

Eira vállje rukses ivnni, ja mii jearrat sus dán árvalusa:

Lea go lohpi náitalit iežas leaskka oappáin?

– Iežas leaskka oappáin? Dá gal lea dakkár fillen gažaldat. Eira dadjá ja boagusta.

– Mu iežan leaska oabbá, de goit lean mun jápmán, vuoi? Mun ferten veaháš jurddašit dien gal.. Mun dajan aa, dan ii sahte. Riekta!

 

Galle čuoggá oktiibuot: 16,5 čuoggá

 

Juohke gilvaleaddji beassá hástalit ođđa gilvaleaddji Ávvira geassegilvui. Inga J. Eira hástala Henriik J. Eira searvat gilvui.

-Almmuhus-